2020 жылы 10 қаңтарда Жезқазған тарихи-археологиялық музейінің көрме залында Ұлы Отан соғысының аяқталғанына 75 жыл толуына орай Қазақ КСР-нің «Еңбек сіңірген экономисі» құрметті атағының, «Еңбек Қызыл Ту», «Құрмет белгісі» ордендерінің, «Социалистік жарыс жеңімпазы» белгісінің, «Ұлы Отан соғысында Германияны жеңгені үшін» медалінің және бірнеше мерекелік медальдардың иегері Исаев Ордабай Исаұлына (1924-1994 жж.) арналған «Ұлы ерлік баспалдағы» жобасы көрмесінің ашылуы ұйымдастырылды. 

2019 жылы 25 желтоқсанда Жезқазған тарихи-археологиялық музейінің көрме залында Жастар жылы және Жезқазған қаласының 65 жылдық мерейтойы аясында «Жалынды жастар жетістігі» жобасы көрмесінің ашылуы ұйымдастырылды.

2019 жылы 11 желтоқсанда Жезқазған тарихи-археологиялық музейінде «Музейлік кездесулер: Алтын қор» жобасы аясында ҚР-ның еңбек сіңірген әртісі, Жезқазған қаласының Құрметті азаматы, «Ерен еңбегі үшін», «Еңбек даңқы», «Жаңаарқа ауданына 90 жыл»медальдарының иегері, өнер саңлағы, композитор әрі ақын Береке Көшеновтің 70 жасқа толуы құрметіне арналған  «Әнге ғашық жүрек» іс-шарасы өтті.